Հունվարի 31-ին, ժամը 03.40-ին տեղեկատվություն է ստացվել, որ Սոթք-Քարվաճառ ավտոճանապարհին ձնաբքի հետևանքով արգելափակվել է երեք ավտոմեքենա:
Դեպքի վայր է մեկնել մեկ մարտական հաշվարկ:
Պարզվել է, որ Սոթք-Քարվաճառ ավտոճանապարհի 20-րդ կմ-ում արգելափակվել է 12 ավտոմեքենա:
Ժամը 06.30-ի դրությամբ հրշեջ-փրկարարները արգելափակումից դուրս են բերել 8 ավտոմեքենա:
Կտրվի լրացուցիչ տեղեկատվություն:
***
Հունվարի 31-ին, ժամը 00.15-ին ահազանգ է ստացվել, որ Թթուջուր-Ձորագլուխ ավտոճանապարհին ավտոմեքենան արգելափակվել է ձնակույտում:
Դեպքի վայր է մեկնել մեկ մարտական հաշվարկ:
Հրշեջ-փրկարարները «ՈւԱԶ» մակնիշի 65 SO 286 պետհամարանիշի ավտոմեքենայի վարորդին և չորս ուղևորներին տեղափոխել են Ձորագլուխ գյուղ:
***
Հունվարի 30-ին, ժամը 18.57-ին տեղեկատվություն է ստացվել, որ Ստեփանավան-Տաշիր ավտոճանապարհի 5-րդ կմ-ի մոտակայքում ավտոմեքենան սահել և ընկել է հարակից լճի մեջ. անհրաժեշտ է փրկարարների օգնությունը այն դուրս բերելու համար:
Դեպքի վայր է մեկնել ՀՓՋ-ի օպերատիվ խումբը:
Հրշեջ-փրկարարները քարշակման միջոցով լճից դուրս են բերել Ս. Մ.-ին պատկանող «Վոլկսվագեն» մակնիշի 34 LR 887 պետհամարանիշի ավտոմեքենան:

***
Հունվարի 30-ին, ժամը 14.19-ին տեղեկատվություն է ստացվել, որ միջհամայնքային Հ-21 ավտոճանապարհին՝ Ծաղկահովիտ-Հնաբերդ հատվածում (9-րդ կմ), ձնաբքի հետևանքով արգելափակվել են ավտոմեքենաներ:
Դեպքի վայր է մեկնել մեկ մարտական հաշվարկ:
Հրշեջ-փրկարարները «Արագածի ՃՇՇ» ՓԲԸ-ի և ոստիկանության ՃՈ աշխատակիցների հետ համատեղ արգելափակումից դուրս են բերել 20 ավտոմեքենա և վերկանգնել երթևեկությունը: