Այսօր ՀՀ Ազգային ժողովի Տնտեսական հարցերի մշտական հանձնաժողովը հավանության է արժանացրել ԲՀԿ պատգամավոր Միքայել Մելքումյանի երկու օրենսդրական նախաձեռնությունները՝ «Արդյունաբերական քաղաքականության մասին» և «Պետական տուրքի մասին օրենքում փոփոխություններ կատարելու մասին» օրենքի նախագծերը: Վերջիններս ներառվել են առաջիկա փետրվարի 3-6-ը ՀՀ ԱԺ լիագումար նիստում քննարկելու համար:

Օրենքի նախագծերը վերաբերում են արդյունաբերության զարգացմանը, հատկապես մարզերում նոր արտադրական աշխատատեղերի ստեղծմանը, արտոնյալ արտադրական ռեժիմների ձևավորմանը, պետական տուրքի չվճարելու դեպքում ֆինանսական տույժի իջեցմանը: