«Zoo Weekly» ավստրալական ամսագիրը ամփոփելէ «տարվա վատագույն ավստրալացի» մրցույթի արդյունքները։ 2011թ. այդ «տիտղոսը» հասել է «WikiLeaks»-ի հիմնադիր Ջուլիան Ասանջի, ով ծագումով ավստրալացի է։

Հոդվածում մասնավորապես նշվում է, թե Ասանջը ճանաչում է ստացել որպես մարդ, ով չի կարողանում գաղտնիք պահել։

«Zoo Weekly»-ի ամենամյա վարկանիշում հայտնվում են մարդիկ, ովքեր տարվա ընթացքում իրենց գործենությամբ խայտառակել են Ավստրալիան և այդ պատճառով արժանի չեն ավստրալացի կոչվելու։

 Հիշեցնենք, որ Ջուլիան Ասանջը ներկա պահին Մեծ Բրիտանիայում է, որտեղ սպասում է իրեն Շվեդիային հանձնելու վերաբերյալ դատարանի հերթական որոշմանը։