Արևմտյան լրատվամիջոցների փոխանցմամբ՝ ֆրանսիական դատախազությունը հետաքննություն է սկսել «CLOSER» ամսագրի դեմ, որին Ֆրանսիայի նախագահ Օլանդի ընկերուհի Ժյուլի Գայեն մեղադրել էր իր անձնական կյանքի նկատմամբ ոտնձգությունների մեջ։ Ինչպես երեքշաբթի հայտնել է «Le Monde» թերթը, դերասանուհին դատարան է դիմել ամսագրի գլխավոր էջում հրապարակված լուսանկարների համար, որտեղ նա սեփական ավտոմեքենայի ղեկին է։ Ֆրանսիական օրենսդրության համաձայն՝ մեքենան համարվում է «անձնական վայր», որտեղ ներխուժումը քրեորեն հետապնդվում է։ «Մեղքն» ապացուցվելու դեպքում «Closer» ամսագիրը ստիպված կլինի վճարել Գայեին 45 հազար եվրո՝ որպես բարոյական վնասի փոխհատուցում, իսկ լուսանկարների հեղինակը կդատապարվի մեկ տարվա ազատազրկման։