«Գազետա»–ի փոխանցմամբ՝ այսուհետև միասեռական ամուսնություններն օրինականացրած երկրների քաղաքացիները Ռուսաստանից երեխաներ չեն կարող որդեգրել։ Համապատասխան որոշումը ստորագրել է ՌԴ վարչապետ Դմիտրի Մեդվեդևը։

«Որդեգրողներ կարող են լինել երկու սեռերի չափահաս անձինք՝ բացառությամբ նրանց, ովքեր գտնվում են նույն սեռի անձանց միջև ամրագրված միությունում, որը ճանաչվում է որպես ամուսնություն և գրանցված է այդ ամուսնությունը թույլ տվող պետության օրենսդրության համաձայն, ինչպես նաև անձանց, ովքեր նշված պետության քաղաքացիներ են և ամուսնացած չեն»,- ասված է փաստաթղթում:

Օրինագծի հեղինակների կարծիքով դա կկատարելագործի որբ երեխաների որդեգրման կարգը։