Աշխարհ

03.03.2014 14:29


Դավութօղլուն պաշտոնական այցով մեկնել է Ուկրաինա

Դավութօղլուն պաշտոնական այցով մեկնել է Ուկրաինա

Թուրքիայի արտաքին գործերի նախարար Ահմեդ Դավութօղլուն պաշտոնական այց է կատարել Ուկրաինա։ Կիևում նա հանդիպել է Ուկրաինայի նախագահի ժամանակավոր պաշտոնակատար, Գերագույն ռադայի նախագահ Ալեքսանդր Տուրչինովի հետ:

Մոտ մեկ ժամ տևած դռնփակ հանդիպման ժամանակ կողմերը քննարկել են Ուկրաինայում ստեղծված իրավիճակը:

Հանդիպումից հետո տեղի ունեցած մամուլի ասուլիսի ժամանակ Տուրչինովը Թուրքիային շնորհակալություն է հայտնել Ուկրաինայում առկա դժվար կացությանն ըմբռնումով մոտենալու համար:

Իր հերթին Դավութօղլուն հայտնել է, որ Թուրքիան ամեն ջանք գործադրելու է Ուկրաինայի տարածքային ամբողջականության շրջանակներում Ղրիմի ապագան ապահովելու համար:

7or.am

Այս խորագրի վերջին նյութերը