Եվրասիական տնտեսական խորհրդի նիստին ՌԴ նախագահ Վլադիմիր Պուտինը հայտարարել է, որ Ռուսաստանը, Բելառուսը և Ղազախստանը պատրաստ են սկսել Եվրասիական տնտեսական միությանը ՀՀ–ի միանալու վերաբերյալ պայմանագրի նախապատրաստման աշխատանքները։

«Հայկական կողմի հետ ընդունվել ու բարեհաջող կերպով իրագործվում է ՄՄ-ի ու Միասնական տնտեսական տարածքի պահանջներին համապատասխանելուն նպատակաուղղված միջոցառումների ծրագիրը։ Այդ պատճառով հնարավոր ենք համարում անցնել ապագա Եվրասիական տնտեսական միությանը Հայաստանի միացման վերաբերյալ պայմանագրի նախագծի նախապատրաստմանը»,-ասել է Պուտինը:

Եվրասիական տնտեսական հանձնաժողովի կոլեգիայի նախագահ Վիկտոր Խրիստենկոն էլ հայտնել է, որ կողմերի ներկայացուցիչներն այցելել են Հայաստան և տեղում գնահատել կատարված աշխատանքը։

«Գնահատականը դրական է։ Մի շարք կետերի գծով ծրագիրը ոչ միայն կատարվում է, այլև գերակատարվում»,–ասել է նա։

7or.am