-Ինձ թվում է, որ այդ հարցը հիմա ձգձգվում է. այդ  ձգձգվելը մեր օգտին է։ Այդ հարցը պետք է լուծվի մեր օգտին, որովհետև արյուն  ենք թափել ու չենք պատրաստվում այդ հողերը տալ,-«7օր»-ի հետ զրույցում խոսելով ղարաբաղյան հակամարտության կարգավորման ներկա վիճակի մասին՝ ասել է երգիչ Ֆորշը։ Նրա խոսքերով՝ երկրի իշխանությունն էլ չի պատրաստվում գնալ ոչ հայանպաստ լուծման։

- Երբ նախագահները Մոսկվայում հանդիպում էին, վախ կար բոլորի մեջ։ Ընկերոջս հետ խոսում էինք, ու ես ասում էի՝ ա՛յ մարդ, չէ՛, բան չկա՛, ու տենց էլ եղավ։ Հայանպաստ լուծում եմ տեսնում,-ասել է Ֆորշը։

Իսկ ԵԱՀԿ Մինսկի խմբի ամերիկացի համանախագահ Մեթյու Բրայզայի՝ տարածքների վերադարձի մասին հայտարարությունների կապակցությամբ նա ասել է՝ «Մեթյու Բրայզան ղալաթ է արել»։

-Նրա ասածը յուրաքանչյուր հայի համար էական չէ։ Միանշանակ ոչ մի թիզ հող,-հավելել է նա։

7or.am