Ուժեղ երկրաշարժի հետևանքով Տոկիոյի բարձրահարկ տները ճոճվել են, բայց, բարեբախտաբար, ստացած տեղեկատվության համաձայն, ավերածություններ չեն եղել։ Տուժածների մասին տեղեկություններ դեռ չկան։ Երկրաշարժի հետևանքով ցունամի չի առաջացել։

Ինչպես հաղորդում է «ИТАР-ТАСС»-ը, ստորգետնյա ցնցումները՝ 6,5 բալ ուժգնությամբ, տեղի են ունեցել տեղական ժամանակով ժամը 07:49-ին  Ճապոնիայի մայրաքաղաքից 300 կմ հարավ՝ Խատիձե կղզում, որտեղ միջնադարում երկրի հիմնական տարածքներից աքսորվում էին հանցագործները։ Երկրաշարժի օջախը գտնվում է Խաղաղ օվկիանոսի հատակում՝ 40  կմ խորության վրա։

Օգոստոի 11-ին Տոկիոյից 150 կմ հարավ-արևմուտք կրկին 6,5 բալ ուժգնությամբ երկրաշարժ էր տեղի ունեցել։ Զոհվել է մեկ մարդ, 120-ը ստացել են ծանր մարմնական վնասվածքներ։ Վնասվել է մոտ 5 հազ. կառույց։

Ըստ «ИТАР-ТАСС»-ի