Հայաստանի հանրապետական խմբակցության պատգամավոր Լեռնիկ Ալեքսանյանը ենթադրում է, որ ՀՀ կառավարությունում կադրային փոփոխություններ կլինեն, սակայն դրանք ոչ թե քաղաքական նպատակ կհետապնդեն, այլ զուտ տեխնիկական բնույթ կկրեն։

-Եթե մեկը լավ չի աշխատում, կարող է փոխարինվել մեկ ուրիշով։ Դա արտաքինից է թվում շատ մեծ բան, բայց տեխնիկական հարց է միայն։ Եթե մի հանրապետականը փոխվում է մեկ այլ հանրապետականով, այդտեղ քաղաքական բան չկա։ Իսկ այդ տիպի մասնագիտական փոփոխություններ, ես ենթադրում եմ, որ կլինեն, որովհետև մեր տնտեսությանն այսօր ուժեղ թափ պետք է հաղորդվի, և դրա համար ավելի պրոֆեսիոնալներ պետք է աշխատեն,- ասել է ՀՀԿ-ական պատգամավորը։

Նա ենթադրում է նաև, որ որոշ նախարարներ կփոխվեն, բայց, թեև տնտեսական քաղաքականության պատասխանատուն վարչապետն է՝ Տիգրան Սարգսյանի փոփոխության հարցն օրակարգում չկա։

7or.am