Ի պատասխան ԱԺ նախագահ Հովիկ Աբրահամյանի ԲՀԿ-ին վերաբերող այսօր արած հայտարարության (ԱԺ խոսնակը նշել էր, թե չի կարծում, որ ԲՀԿ–ն իշխանափոխության հարց է բարձրացնելու), Գագիկ Ծառուկյանի խոսնակ Իվետա Տոնոյանն ասել է. «ԲՀԿ-ի անունից հայտարարություն անելու կամ տեսակետ հայտնելու իրավունք ունեն միայն ԲՀԿ նախագահը կամ ԲՀԿ նախագահի ու քաղխորհրդի կողմից լիազորված անձիք: Իսկ ինչ վերաբերում է քաղաքական օրակարգի այս կամ այն հարցին, ապա բոլոր խնդիրները փոխըմբռնման եւ համերաշխության մթնոլորտում քննարկվում եւ որոշվում են ոչ իշխանական ուժերի քառյակի նիստերում»: