ԱԺ ճեպազրույցի ժամանակ, գնահատելով անցնող քառօրյան, «Ժառանգություն» խմբակցության ղեկավար Ռուբեն Հակոբյանը ցավ է հայտնել, որ իշխանությունը կարողացավ հերթական անգամ օգտագործել վաղուց արդեն քաղաքական պոտենցիան կորցրած գործիչներին։

–Օգտագործեցին քաղաքական պոտենցիան կորցրած և օգտագործվող դարձած պրոֆեսիոնալ քաղաքական որոշ գործիչների, և, ցավոք, ընդդիմության վրա փորձեցին ցեխ շպրտել, թե «սև ակնոց» է կրում։ Հասկանալի էր, որ մեկ նպատակ կար՝ արդարացնել Հայաստանի մասնավորեցումն առանձին անձերի կողմից։ Եվ սա դիտվում է այն հիմնական մայրուղիներից մեկը, որով Հայաստանը պետք է գնա դեպի «Ապահով Հայաստան»։ Ես այդ գործիչներին ճիշտ բնութագրեցի՝ քաղաքական դալտոնիկներ, որոնք այսօր շատ են մեր քաղաքական դաշտում,–ասել է Ռ. Հակոբյանը։

Ինչ վերաբերում է այսօր ՍԴ–ում ընթացող պարտադիր կուտակային կենսաթոշակային համակարգի հարցի քննարկմանը, Ռ. Հակոբյանը չի կարծում, որ «պարտադիր» բառն ամբողջությամբ կհանվի։

–Հասարակական հնչեղություն ունի այս հարցը, և որևէ որոշում, որը չի բավարարի ազգաբնակչությանը, կարծում եմ՝ իր տրամաբանական շարունակությունը կունենա,–նշել է Ռ. Հակոբյանը։

7or.am