ՄԱԿ–ի Գլխավոր վեհաժողովում Ուկրաինայի բանաձևի քվեարկության արդյունքները վկայում են, որ այս իրավիճակում Ռուսաստանի մեկուսացման մասին խոսք գնալ չի կարող։ Այս մասին ռուս լրագրողներին է ասել ՄԱԿ–ում ՌԴ մշտական ներկայացուցիչ Վիտալի Չուրկինը։

«Արդյունքը մեզ համար բավականին լավն է. բարոյական և քաղաքական հաղթանակ մենք տարել ենք։ Հիմա, իհարկե, ոչ մի խոսք չի կարող գնալ Ռուսաստանի մեկուսացման մասին»,–ասել է նա։ Չուրկինի խոսքերով՝ մինչ Գլխավոր վեհաժողովում Ուկրաինայի հարցով քվեարկությունը երկրները ճնշման էին ենթարկվում Արևմուտքի կողմից։

«Մի շարք երկրներ բողոքում էին, որ նրանք ենթարկվում են ճնշումների արևմտյան տերությունների կողմից, որպեսզի նրանք քվեարկեն ի պաշտպանություն այդ բանաձևի»,–ասել է նա ԳՎ–ի նիստի ավարտին։

Նշենք, որ Գլխավոր վեհաժողովին Ղրիմը Ռուսաստանի մաս ճանաչելու բանաձևին դեմ է քվեարկել 100 երկիր, ձեռնպահ՝ 58, կողմ՝ 11։

Տեղեկացնում է «ԻՏԱՌ–ՏԱՍՍ»–ը։