ԱՄՆ մի շարք կոնգրեսականներ դատապարտել են Թուրքիայի աջակցությունը վայելող ահաբեկիչների կողմից Սիրիայի հայաբնակ Քեսաբի բնակչության բռնի տեղահանությունը։ ԱՄՆ Հայ դատի գրասենյակի (ANCA) տեղեկացմամբ՝ այդ կոնգրեսականներն են Ադամ Շիֆը, Ֆրենկ Փալոնեն, Բրեդ Շերմանը, Ջուդի Չուն, Ջիմ Կոստան, Աննա Էշուն։

Նրանք, ANCA-ի գործադիր տնօրեն Արամ Համբարյանի հետ, հանդես են եկել մամուլի ասուլիսով և ԱՄՆ-ի կառավարությանը կոչ արել ավելացնել տեղահանվածներին տրամադրվող օգնությունն ու հետաքննություն սկսել Քեսաբի վրա հարձակման գործում Թուրքիայի դերակատարության վերաբերյալ։

Սիրիահայերի պաշտպանության հարցի շուրջ Ադամ Շիֆն անձամբ զրուցել է ԱՄՆ նախագահ Բարաք Օբամայի հետ։

7or.am