Ինչպես տեղեկացրել էինք, ԱՄՆ Սենատի արտաքին հարաբերությունների հանձնաժողովն ընդունել է Հայոց ցեղասպանության մասին բանաձև՝ կոչ անելով Սենատին հիշատակել այս հանցագործությունը, ինչպես նաև Բարաք Օբամային՝ ԱՄՆ-ի արտաքին քաղաքականությամբ աջակցել դեռևս չպատժված ցեղասպանության փաստի հաստատմանը:

Թուրքիայի կառավարությունը քայլեր է ձեռնարկում այն նախաձեռնությունների դեմ, որոնք անհանգստացնում են Թուրքիային: «Hurriyet Daily News»-ի փոխանցմամբ՝ այս կերպ է արձագանքել արտգործնախարար Ահմեդ Դավութօղլուն նշված բանաձևին՝ զանգահարելով ԱՄՆ-ի պետքարտուղար Ջոն Քերիին: Ըստ նրա՝ Թուրքիան «բացասական ակնկալիք չունի բանաձևից»: