Կրեմլի մամուլի ծառայության փոխանցմամբ՝ Ռուսաստանը հարգանքով է վերաբերվում Ուկրաինայի Դոնեցկի և Լուգանսկի շրջաններում անցկացված հանրաքվեներին։

«Մոսկվայում հարգանքով են վերաբերվում Դոնեցկի և Լուգանսկի շրջանների բնակչության կամարտահայտմանը։ Հուսով ենք՝ հանրաքվեների արդյունքների փաստացի կյանքի կոչումը տեղի կունենա քաղաքակիրթ ճանապարհով, առանց բռնության որևէ դրսևորման՝ Կիևի, Դոնեցկի և Լուգանսկի ներկայացուցիչների միջև երկխոսության միջոցով։ Երկխոսության համար ողջունվում է ցանկացած միջնորդական ջանք, այդ թվում՝ ԵԱՀԿ-ինը»,-«Իմտերֆաքսի» ներկայացմամբ՝ ասված է տարածված հաղորդագրության մեջ։

Հիշեցնենք, որ Կիևի իշխանությունները չեն ճանաչում Դոնեցկի և Լուգանսկի շրջանների կարգավիճակի մասին հանրաքվեների արդյունքները։