ՀՀ ճանապարհային ոստիկանության ճանապարհապարեկային ծառայության բաժնի պետ, ոստիկանության գնդապետ Նորիկ Սարգսյանը լրագրողների հետ հանդիպման ժամանակ նշել է, որ տարեցտարի նոր տրանսպորտային միջոցներ են ներմուծվում Հայաստան, ինչի հետևանքով ճանապարհատրանսպորտային պատահարների հավանականություններն ավելանում են։ Թե որքա՞ն նոր տրանսպորտային միջոց է ներմուծվել Հայաստան 2009թ., ոստիկանության գնդապետը հստակ չգիտեր, բայց համոզված էր, որ ավելի քիչ, քան 2008-ին։

-2008թ. ընթացքում մոտ 35 000 տրանսպորտային միջոց է ներմուծվել, ավելի քիչ, քան 2007-ին։ Ամենաշատը 2007-ին է եղել՝ 40 000-ի է ձգտել այդ թիվը։ Վերջին 5 տարվա ընթացքում մեր տրանսպորտային ցանցը համարյա թե թարմացվել է,-նշել է Նորիկ Սարգսյանը։

7or.am