Լեգենդար «Black Sabbath» ռոք խմբի կիթառահար Թոնի Այոմին «Metal Hammer» ամսագրին տված հարցազրույցում հայտնել է, որ իրենք մտածում են համերգային գործունեությունը դադարեցնելու մասին:

Այոմին նշել է, որ այս տարվա հունիսի 4-ին Լոնդոնի Hyde Park-ում կայանալիք «British Summer Time» փառատոնին իրենց ելույթը հնարավոր է՝ վերջինը լինի: Այս մասին հայտնում է Lenta.ru–ն։

«Black Sabbath»–ի համերգային գործունեությունից հրաժարվելը պայմանավորված է Այոմիի առողջության վատթարացմամբ։ 2012–ին նրա մոտ լիմֆոմա է ախտորոշվել: Երգիչը բժիշկների հսկողության տակ է գտնվում: