Ինչպես երեկ տեղեկացրել էինք, Երևանի ավագանու հերթական նիստը կայանալու է սեպտեմբերի 8-ին։ Այս հանգամանքը բավական ուրախացրեց ՀՀ «Մարքսիստական» կուսակցության նախագահ Դավիթ Հակոբյանին։ «7 օր»-ի հետ զրույցում նա նշել է, որ չի մտափոխվել և հնարավորության դեպքում անպայման մասնակցելու է ավագանու աշխատանքներին։

-Եթե առաջիկա երկու նիստերին ՀԱԿ-ն ավագանու իր 13 անդամներով չմասնակցի, ուրեմն ավագանուն իրավունք է վերապահվում Երևանի մասին օրենքի համաձայն որոշում կայացնել հաջորդ 13 հերթական համարներին մանդատներ շնորհելու մասին։ Ինձ կհրավիրեն, և ես նույն կարծիքին եմ. այդ ինստիտուտում թեկուզ մեկ զինվոր, բայց պարտադիր պետք է լինի,-ասել է նա։

ՀՀ գլխավոր մարքսիստը բացասական է գնահատել քաղաքապետարանի այսօրվա գործունեությունը՝ համարելով այն խայտառակ քաոսային։

7or.am