Թուրքմենստանի նախագահ Գուրբանգուլի Բերդիմուհամեդովը, ելույթ ունենալով Անվտանգության պետական խորհրդի նիստում, հայտարարել է երկրի ծովային սահմանի ամրապնդման անհրաժեշտության մասին։ Դրա համար, նրա խոսքերով, Կասպից ծովի ափեզրին պաշտպանության նախարարության և սահմանապահ ծառայության ենթակայության ներքո անհրաժեշտ է կառուցել ռազմածովային նավատորմ։ Թուրքմենստանի նախագահը նշել է, որ ռազմածովային ուժերը տեղակայվելու են մշտական հիմունքներով։ Թե կոնկրետ որտե՞ղ՝ չի հստակեցվել։ Բերդիմուհամեդովը նշել է, որ սահմանի պաշտպանության արդյունավետության համար ծրագրվում է պարբերաբար անցկացնել ռազմածովային համալիր զորավարժություններ։ Այս ծրագրերի իրականացումը նախատեսվում է իրականցնել մինչև 2015թ.-ը։

Ըստ Regnum-ի