ՌԴ նախագահ Դմիտրի Մեդվեդևը կարգադրել է կառավարությանը 2010թ. հունվարի 1-ից ապահովել միջքաղաքային տրանսպորտում անվտանգության ամրագոտիների առկայության մասին պահանջի կիրառումը։

Նա նաև կարգադրել է կիրառել ուղևորափոխադրումներ և բեռնափոխադրումներ իրականացնող տրանսպորտային միջոցներին վարորդների շարժման ռեժիմը, աշխատանքը և հանգիստը վերահսկող տեխնիկայով ապահովելու մասին պահանջը։

Այդ որոշումները նախապատրաստվել են ճանապարհատրանսպորտային երթևեկության անվտանգության վերաբերյալ տեղի ունեցած խորհրդակցության արդյունքում, որի ընթացքում Դ.Մեդվեդևը պահանջել է կոշտ միջոցներ ձեռնարկել ճանապարհներին անվտանգության մակարդակը բարձրացնելու համար։

Ըստ «РИА Новости»-ի