Վերջերս մամուլում տեղ են գտել մի շարք հրապարակումներ, որոնք պարունակում են սխալ տեղեկություններ «Օրանժ Արմենիա» ընկերության անվան և ապրանքային նշանի վերաբերյալ:

Այդ առթիվ ընկերության գրասենյակից տեղեկացնում են, որ այն 2008թ. գրանցվել է «ՖՏԱ-Տելեկոմ»ՓԲԸ անվամբ, այս տարվա ապրիլի 3-ին պաշտոնապես անվանափոխվել է «Օրանժ Արմենիա» ՓԲԸ-ի («Orange Armenia» CJSC), որի մասին գրանցում է կատարվել Իրավաբանական անձանց գրանցման պետական ռեգիստրում: «Օրանժ Արմենիան» Հայաստանում հանդես է գալիս «Օրանժ» ապրանքային նշանով, որը  Ֆրանս Տելեկոմ խմբի հիմնական բրենդն է: «Օրանժը» միջազգային ապրանքային նշան է և Հայաստանում գրանցված է 2001թ.-ից: