Արգենտինայի հավաքականի նախկին հարձակվող և նախկին մարզիչ Դիեգո Մարադոնան Պելեին և Ֆրանց Բեկենբաուերին ապուշներ է անվանել այն բանի համար, որ նրանք պաշտպանել են ուրուգվայցի հարձակվող Լուիս Սուարեսին որակազրկելու ՖԻՖԱ–ի որոշումը։ Այս մասին հայտնում է «Взгляд»-ը։

«Թանգարանը լքած այդ երկու ապուշը չափազանց շատ են հիմարություններ դուրս տալիս՝ կատարելով ՖԻՖԱ–ի նախագահ Իոզեֆ Բլատերի հրամանները։ Նրանք պետք է լռեն, քանի որ Պելեն իր կարիերայի ընթացքում վնասել է մի քանի ֆուտբոլիստի, իսկ Բեկենբաուերը չափից ավելի շատ էր արմունկով հարվածում մրցակիցներին»,-ասել է Մարադոնան։