Պաղեստինյան ծայրահեղականներն ավելի քան 550 հրթիռ են բաց թողել Իսրայելի ուղղությամբ «Պաշտպանական սահմանագիծ» ռազմական գործողության չորս օրվա ընթացքում։ Այս մասին տեղեկացնում է իսրայելական բանակի մամուլի ծառայությունը, որի տվյալներով՝ դրանցից 119–ը վնասազերծվել է ՀՕՊ–ի կողմից։

Տեղական ԶԼՄ–ի հաղորդմամբ՝ վերջին օրվա ընթացքում իսրայելական քաղաքների կողմ ավելի քան 100 հրթիռ է բաց թողնվել։ Գիշերը հրետակոծվել են Խայֆա, Խադերա և Զիխրոն–Յաակով քաղաքները՝ Գազայի հատվածից100-125 կմ հեռավորության վրա։ Հրետակոծման պատասխանատվությունն իր վրա է վերցրել պաղեստինյան «ՀԱՄԱՍ» շարժումը։

Տեղեկացնում է «ԻՏԱՌ–ՏԱՍՍ»–ը։