Ռոբերտ Բրադկեին ԵԱՀԿ Մինսկի խմբի Ամերիկայի համանախագահի պաշտոնում նշանակելու կապակցությամբ ԼՂՀ արտաքին գործերի նախարարությունը հայտարարում է, որ պատրաստ է այսուհետ ևս աշխատել ԵԱՀԿ ՄԽ համանախագահների, մասնավորապես, Ռոբերտ Բրադկեի հետ ադրբեջանա–ղարաբաղյան հակամարտության  խաղաղ և արդարացի լուծմանը հասնելու համար:

Հուսով ենք, որ ԵԱՀԿ Մինսկի խմբի ԱՄՆ համանախագահի պաշտոնում  փորձառու դիվանագետ Ռոբերտ Բրադկեի  նշանակումը վկայում է այն մասին, որ ԱՄՆ այսուհետ ևս լուրջ ուշադրություն կդարձնի ադրբեջանաղարաբաղյան հակամարտության կարգավորման գործընթացին և կնպաստի բանակցությունների լիարժեք ձևաչափի վերականգնմանն այն առումով, որ այս գործընթացն առաջ շարժվի և ունենա դրական արդյունքներ: