Ռուսական «Առաջին ալիք»-ի ղեկավարությունը փնտրում է «Մալախով+» հաղորդման հեղինակ Գենադի Մալախովին, քանի որ վերջինս չի ներկայացել նկարահանման։

Մալախովն անջատել է հեռախոսը, ինչի պատճառով հեռուստաալիքի տնօրինությանը չի հաջողվել նրա հետ կապ հաստատել, այդ պատճառով էլ հաղորդումը փոխարինվել է ուրիշով։

-Գենադի Մալախովը մեկ անգամ չէ, որ ասում էր, թե իր համար դժվար է աշխատել նոր հաղորդավարի հետ,-ասել է նախագծի տեխնիկական աշխատողը։- Բոլորը հույս ունեին, թե այդ փուլը կանցնի, քանի որ Մալախովը «կհարմարվի» նոր աշխատակցի հետ։ Բայց, կարծեք, նա որոշել է իրավիճակն ուղղել արմատական միջոցներով։