Վալերի Գործունյանը՝ Ֆրանսիայի հայկական համայնքից Հայաստանում առաջին ներդրողներից մեկը և Երևանում Փարիզյան Սուրճի հիմնադիրը,  Ֆրանսիայի Մշակույթի և Հաղորդակցության նախարարության կողմից պարգևատրվել է Արվեստի և դպրության ոլորտում ասպետի կոչումով: Այդ կոչումը  Ֆրանսիայի Հանրապետության չորս նախարարական և գլխավոր տարբերակումներից մեկն է :

Վալերի Գործունյանին ուղղված նամակում, Ֆրանսիայի մշակույթի նախարար Ֆրեդերիկ Միտերանը նշել է, որ երջանիկ է նման շքանշանով պարգևատրելու մեկին, ով   խորապես նվիրվել է  Ֆրանսիայի Մշակույթի տարածմանը: Ըստ նախարարի, այս պարգևատրմանը իսկապես արժանի է Վալերի Գործունյանը,ով բարձր է պահում Ֆրանսիայի գույները Հայաստանում, և ով միշտ առաջին շարքերում է Հայաստանի գույները Ֆրանսիայում պաշտպանելու գործում: