Ռուսաստանի հետ հարաբերությունների բարելավումը «Վրաստանի արտաքին քաղաքականության կարևոր գերակայություններից է»։ Այս մասին հայտնել է Վրաստանի ԱԳՆ ղեկավար Մայա Փանջիկիձեն Թբիլիսիում Վրաստանի դիվանագիտական ներկայացուցչությունների ամենամյա հանդիպմանը։ Նա նշել է, որ Վրաստանը վերջին մեկուկես տարում «հստակ քայլեր է ձեռնարկել ՌԴ–ի հետ հարաբերությունների դեէսկալացիայի համար...»։ Նրա խոսքերով՝ «Ռուսաստանի հետ հարաբերությունների կարգավորման պրագմատիկ մոտեցումը հանգեցրել է որոշակի դրական արդյունքների առևտրատնտեսական համագործակցության զարգացման և վերականգնման գործընթացում, մշակութային և մարդասիրական կապերի ոլորտում»։

Վրաստանի վարչապետ Իրակլի Ղարիբաշվիլին էլ հայտարարել է, որ «Վրաստանը կշարունակի ՌԴ–ի հետ հարաբերությունների փուլային բարելավման գործընթացը»։

Տեղեկացնում է «ԻՏԱՌ–ՏԱՍՍ»–ը։