Մամլո ասուլիսի ժամանակ ՀՀԿ խմբակցության անդամ Ռաֆիկ Պետրոսյանը հայտարարել էր, որ ՀՀԿ-ն արձանագրությունների վավերացման հետ կապված բոլոր հարցերը կարող է ԱԺ-ում  լուծել  առանց որևէ այլ կուսակցության վրա հենվելու, առանց նրա օգնության։ Այս կապակցությամբ «Ժառանգություն» խմբակցության անդամ Ստեփան Սափարյանն ասել է, որ ցավում է, որ ՀՀԿ-ի խոսափող է մնացել Ռաֆիկ Պետրոսյանը, ով «չգիտի՝ ինչ է գիտաժողովը»։ 

-Ես կարծում եմ՝ Ռաֆիկ Պետրոսյանն այդ հայտարարությունը չի արել ներքին լսարանի համար. այդ հայտարարությունն արվել է արտաքին լսարանի և դեսպանատների համար, որպեսզի հանկարծ նախագահի մասին չփոխեք կարծիքն ու դիրքորոշումը։ Նա ամենակարող տղա է. կարող է ամեն ինչ անել,-նշել է նա։

Ստեփան Սաֆարյանի խոսքերով՝ «Ժառանգությունն» անհամաբերությամբ սպասում է, թե ովքեր են  գովաբանելու նախաստորագրված արձանագրությունները, որպեսզի դրանք վավերացվեն։

7or.am