Հնդկաստանի արևելյան գյուղերից մեկի 18-ամյա բնակչուհի Մանգլի Մունդան ամուսնացել է շան հետ։ Այս մասին հայտնում է «The Daily Mirror»-ը։

Շանը հարսանիքին են բերել մեքենայով։ Գյուղի բնակիչները ողջույններով են դիմավորել կենդանուն։

Հարսանեկան արարողությունը տեղի է ունեցել գյուղի խորհրդի ցուցումով, որն այս կերպ մտադիր է աղջկան ազատել չար հոգիներից, որոնք, իբր, սպառնում են ոչ միայն Մունդային, այլև նրա ընտանիքի անդամներին և ամբողջ գյուղին։ Եթե աղջիկը հրաժարվեր շան հետ ամուսնությունից, ապա, գյուղի ավագանու պնդմամբ, տղամարդու հետ ամուսնանալու դեպքում դժբախտ կլիներ։

Իսկ տղամարդու հետ աղջիկը կարող է ամուսնանալ մի քանի ամիս հետո։ Այդ ընթացքում նա բարեխղճորեն պետք է խնամի կենդանուն։