Այսօր ՄԱԱ-ի և Ազգային ժողովրդավարական ինստիտուտի (NDI) հետ համատեղ  ՀՀ ընտրական օրենսգրքի փոփոխությունների վերաբերյալ կազմակերպված քննարկման ժամանակ ՀՀԿ-ական պատգամավոր Հովհաննես Սահակյանը հայտարարել է, թե ազատ, արդար և թափանցիկ ընտրություններ անցակացնելու հարցում ոչ միայն իշխանությունը պետք է քաղաքական կամք ունենա, այլ՝ հավասարապես նաև ընդդիմությունը։

Քննարկման մասնակիցներից «Ժողովրդական» կուսակցության նախագահ Տիգրան Կարապետյանն այս հայտարարությանն անմիջապես արձագանքել է.

-Ձե՛ռ ա առնում։

Իսկ երբ Հովհաննես Սահակյանը նշել է, թե իրենք տեղերում մշտապես կապ են պահպանում ընտրողների հետ, Տիգրան Կարապետյանը նկատել է՝ հավով ու ձվով. հավ ու ձու եք բաժանում։

-Միգուցե՝ նաև տեսախցիկով, նվերներով, DVD, տելևիզրներով...,-արձագանքել է Հ. Սահակյանը։

7or.am