«ԻՏԱՌ-ՏԱՍՍ»-ի փոխանցմամբ՝ ԱՄՆ-ը Սիրիայի, այսպես կոչված, «ոչ արմատական» ընդդիմությանը կհատկացնի 40 մլն դոլար, որից 15 մլն-ն կուղղվի տարբեր խմբավորումներին զինելուն: Այս մասին ՄԱԿ-ի շտաբ–բնակարանում հայտարարել է ԱՄՆ պետքարտուղար Ջոն Քերին։

«Հավելյալ օգնություն հատկացնելու նպատակով ընդդիմությանն անհապաղ կտրամադրվի 40 մլն դոլար, որից 15 մլն-ը՝ կապի և տեղաշարժման միջոցների, սննդամթերքի և զինված ընդդիմությանը անհրաժեշտ այլ ծախսերի համար, ինչպես նաև ավելի քան 25 մլն՝ քաղաքացիական ընդդիմության կարիքների համար, որն աշխատում է պետականության ինստիտուտների ստեղծման ուղղությամբ»,- ասել է Քերրին: