Ասօր ժամը 14։00-ից կառավարության և արտգործնախարարության շենքերի դիմաց «Հայ հեղափոխական դաշնակցություն» կուսակցությունը բողոքի ակցիա է իրականացնում՝ կապված հայ-թուրքական հարաբերությունների հետ։ Արդեն 24 հոգի հայտարարել է, որ   հացադուլ է անելու, իսկ 50 հոգի կառավարության շենքի դիմաց ուղղակի նստացույց է իրականացնելու։ Նստացույցին մասնակցում է նաև ՀՅԴ ԳՄ ներկայացուցիչ Արմեն Ռուստամյանը։

«7օր»-ի հետ զրույցում նա նշել է, որ ՀՅԴ-ն մասնակցելու է սեպտեմբերի 17-ին ՀՀ նախագահի հրավիրած Հայաստան-Թուրքիա հարաբերությունների ներկա փուլին նվիրված քննարկմանը։ Արմեն Ռուստամյանի խոսքերով՝ գլխավոր նպատակը փաստաթղթի մեջ փոփոխություններ մտցնելն է, ոչ թե այդ փաստաթղթին «այո» կամ «ոչ» ասելը, և եթե այնտեղ ընդամենը «այո» կամ «ոչ»-ի խնդիր է քննարկվելու, ուրեմն դա անլուրջ է։

7or.am