Արցախյան ազատամարտի հերոս, գեներալ-մայոր Արկադի Տեր-Թադևոսյանն «Ազդակ» ակումբում «7օր»-ին ասել է, որ Արցախի ազատագրված տարածքներից որևէ մեկի զիջումը կթուլացնի Հայաստանի դիրքերը, ուժերի ներկա հավասարակշռությունը և կհանգեցնի պատերազմի։

-Յուրաքանչյուր տարածք, որը մենք կտանք անկախության ապահովման դիմաց, թույլ կտա ադրբեջանական զորքին առանց արյան զբաղեցնել մյուս տարածքները ու հետագա հաջողության և ԼՂ-ի, Հայաստանի վրա ուժեղացված ճնշում գործադրելու հնարավորություն կտա,- ասել է Ա. Տեր-Թադևոսյանը։

Նա նաև հավելել է, որ պատմության մեջ նման օրինակ չկա, որ ազատագրված տարածքը հանձնեն, բայց եթե անգամ այդ քայլը թելադրված է սեփական անվտանգության ապահովման անհրաժեշտությունից, ապա դա կարելի է անել քաղաքակիրթ պետության հետ, ինչպիսին լինելուց Ադրբեջանը շատ հեռու է։

7or.am