Դեռևս 1948թ. ԱՀԿ կողմից սահմանվել է, որ առողջությունը «ֆիզիկական, հոգեկան և սոցիալական ամբողջական լավակեցությունն է և ոչ միայն հիվանդության կամ ֆիզիկական արատի բացակայություն»: 1992 թվականից հոկտեմբերի 10-ը հոգեկան առողջության համաշխարհային համադաշնության կողմից հռչակվել է հոգեկան առողջության համաշխարհային օր: Աշխարհում 450 մլն մարդ տառապում է այս կամ այն հոգեկան հիվանդությամբ: Հայաստանում բնակչության 1,5 տոկոսն է գտնվում հոգեկան ծառայությունների հաշվառման մեջ: