ՄԱԿ-ի գլխավոր քարտուղարի մարդասիրական հարցերով տեղակալ Վալերի Ամոսը միջազգային հանրությանը կոչ է արել անմիջապես օգնել սիրիական Քոբանի քաղաքի բնակիչներին։ Հիշեցնենք, որ Քոբանին պաշարված է «Իսլամական պետություն» ծայրահեղական խմբավորման գրոհայինների կողմից։

«Բոլոր նրանց, ովքեր ի զորու են օգնել, կոչ եմ անում անհապաղ ինչ–որ բան ձեռնարկել։ Մարդու և միջազգային հումանիտար իրավունքների խախտումները պետք է դադարեցվեն։ Եթե մենք հիմա ոչինչ չանենք, դա կվերածվի հերթական ողբերգությանը սիրիացի ժողովրդի համար։ Քոբանիի գրավումը կլինի հերթական բիծը մարդկության խղճի վրա»,–«ՏԱՍՍ»-ի փոխանցմամբ՝ ասել է Ամոսը։