«ՏԱՍՍ»–ի փոխանցմամբ՝ Թուրքիայի իշխանություններն «Իսլամական պետություն» ահաբեկչական խմբավորման դեմ պայքարում ԱՄՆ-ին և նրա դաշնակիցներին կտրամադրեն երկրի ավիաբազաները։ Դրանց թվում է Թուրքիայի հարավային Ինջիրլիք ավիաբազան։

ԱՄՆ-ի իշխանությունները հայտնել են նաև, որ Անկարան համաձայնություն է տվել իր տարածքում տեղակայել վարժանքների ճամբարներ Սիրիայի, այսպես կոչված, չափավոր ընդդիմության համար, որը պատերազմում է «Իսլամական պետության» դեմ։