Կորեայի Հանրապետությունն առաջարկել է Հյուսիսային Կորեային անցկացնել բարձր մակարդակի միջկորեական բանակցություններ սույն տարվա հոկտեմբերի 30-ին։ Այս մասին հայնում է «Ռենհապ» գործակալությունը։

Հյուսիսը և Հարավը պայմանավորվել են հոկտեմբերի վերջին կամ նոյեմբերի սկզբին անցկացնել բանակցությունների նոր փուլ։ Կողմերը համաձայնել են համատեղ աշխատանքներ իրականացնել հարաբերությունները բարելավելու նպատակով։
Այսօր հաղորդվել է, որ Սեուլը և Փհենյանն արդեն սկսել են ռազմական բանակցությունները՝ գեներալների մակարդակով։ Սակայն «Ռենհապ» գործակալության՝ Կորեայի Հանրապետության Ազգային ժողովի աղբյուրի փոխանցմամբ՝ «Հյուսիսը չի ցանկանում դա բարձրաձայնել»։

Դեռևս չկա տեղեկատվություն այն մասին՝ ով է մասնակցում ռազմական բանակցություններին, և որն է օրակարգը. ԿՀ թե՛ Պաշտպանության, թե՛ Միասնության նախարարությունները տեղեկությունը չեն մեկնաբանել։

Տեղեկացնում է «ՏԱՍՍ»–ը։