Նիգերիայում գործող «Բոկո հարամ» ծայրահեղական խմբավորման զինյալներն առնվազն 60 կին և աղջիկ են առևանգել Ադամավա նահանգից։ Այս մասին հաղորդում է նիգերիական ԶԼՄ–ն։
Լրատվամիջոցի տեղեկություններով՝ մոտոցիկլներով և ֆուրգոններով ժամանած հազարավոր զինված ծայրահեղականներ գրոհել են Վագա Մանգորո և Գարտա բնակավայրերը, այրել են բնակիչների տները, առևանգել կանանց և աղջիկների։
Ադամավա նահանգում, ինչպես նաև Բորնոյում և Յոբեում, 2013 թվականի մարտից արտակարգ դրության ռեժիմ է գործում։
Երկրի իշխանությունները բանակցություններ են վարում ավելի քան 200 դպրոցականի ազատելու համար, որոնք առևանգվել են սույն տարվա ապրիլին։

Տեղեկացնում է «ՏԱՍՍ»–ը։