ՀՀ ԱԺ նախկին պատգամավոր Մյասնիկ Մալխասյանը «7օր»-ին ասել է, որ սեպտեմբերի 17-ին կայացած նիստում ՀՀ կենտրոնական ընտրական հանձնաժողովը սահմանադրական նորմի խախտմամբ է իրեն զրկել պատգամավորական մանդատից։

-Մենք գիտեինք, որ նրանք գնալու են այս քայլին, որովհետև ի սկզբանե խնդիր են դրել թույլ չտալ որևիցե ազատ միտք, ազատ խոսք խորհրդարանում, և որ մյուսների համար սա դաս հանդիսանա,- ասել է Մ. Մալխասյանը,- պարզապես, մենք միտումնավոր վայր չդրեցինք մանդատները, որպեսզի թույլ տանք ևս մեկ ապօրինություն կատարեն, որ մենք հիմնավորված և պատճառաբանված կարողանանք եվրոդատարանում այս ապօրինությունները վիճարկել։

Հիշեցնենք, որ ԿԸՀ-ն պատգամավորական մանդատից զրկել է նաև Հակոբ Հակոբյանին և Սասուն Միքայելյանին։

7or.am