Այսօրվա ասուլիսին «Ընդդեմ իրավական կամայականության» ՀԿ գործադիր տնօրեն Լարիսա Ալավերդյանը հայտնել է, որ Արցախում ընթացող ադրբեջանցի դիվերսանտների դեմ դատավարությունը օրինական է: Ըստ բանախոսի՝ «չճանաչված պետություն» հասկացությունը որևէ կերպ չի կարող անդրադառնալ դատավարության օրինականության հարց բարձրացնելու վրա:

«Պետք է ողջունելի համարել, որ չճանաչած երկրում գործում են մարմիններ, որոնք խարսխված են միջազգային օրենսդրության իրավունքի նորմերի վրա»,-ասել է Լարիսա Ալավերդյանը՝ ընդգծելով, որ մենք պետք է ոչ թե ապացուցենք, թե մեզ հարազատ է մնում միջազգային հումանիտար իրավունքը, այլ այն, որ դա մեր կենսակերպն է:

Բանախոսը նաև նշեց, որ թեև ադրբեջանական ԶԼՄ-ն գրել էր, թե դատավարությանն ադրբեջաներենի թարգմանիչ չի ապահովվել, սակայն ամբաստանյալները բավականաչափ տիրապետում են ռուսերենին, և թարգմանչի կարիք չի եղել: Դատավարությունն ընթանում է հայերեն, ամբաստանյալների համար՝ ռուսերեն թարգմանությամբ:

7or.am