Հայաստանի հասցեին մերկապարանոց մեղադրանքներ հնչեցնելու համար ադրբեջանցիները ոչ մի առիթ բաց չեն թողնում։ Հիմա էլ հայտարարում են, թե իբրև Ռուսաստանի «Դոմոդեդովո» օդանավակայանում տեղի ունեցած պայթյունում հայ ահաբեկիչների հետքն է ուրվագծվում։ Ադրբեջանական որոշ լրատվամիջոցներ մասնավորապես գրում են, թե մինչև այդ պայթյունը հայկական ահաբեկչական կազմակերպությունների կողմից Ռուսաստանի հասցեին բազմաթիվ սպառնալիքներ են հնչել։ Ավելին, նշվում է, թե նախորդ տարվա դեկտեմբերին Մոսկվայի Մանեժնայա հրապարակում կովկասցիների և ազգայնականանների միջև տեղի ունեցած անկարգություններում ռուսական ԶԼՄ-ներն արձանագրել էին հայկական հետքի դերակատարությունը։