Ըստ ազգային վիճակագրական ծառայության օպերատիվ տվյալների՝ Հայաստանի տնտեսական անկումն այս տարվա հունվար-օգոստոսի տվյալներով կազմել է 18,4 տոկոս։

Բացառությամբ մանրածախ առևտրի շրջանառության, որտեղ արձանագրվել է 0,3% աճ, տնտեսության մյուս ոլորտներում գրանցվել է անկում։ Արդյունաբերական արտադրանքի ծավալը պակասել է 11,9, էլեկտրաէներգիայի արտադրությունը՝ 11,8, գյուղատնտեսության  համախառն արտադրանքի ծավալը՝1,5, շինարարության ծավալը՝ 52,6,  ծառայությունների ծավալը՝ 1,4, իսկ արտաքին առևտրաշրջանառությունը՝ 29,9 տոկոսով։

Ներմուծումը գերազանցում է արտահանումն ավելի քան 4,7 անգամ։ Ընդ որում՝ անկում է արձանագրվել և՛ ներմուծման, և՛ արտահանման ոլորտներում։ Ներմուծումը պակասել է 27, իսկ արտահանումը՝ 41,1 տոկոսով։