Իրաքյան քրդերի խմբավորումների նախօրեին զենքի առաջին մասն են հասցրել սահմանամերձ Քոբանի քաղաքի պաշտպաններին։ Ստացվող տեղեկությունների համաձայն՝ թուրք–սիրիական սահմանը գիշերը 12 բեռնատար է հատել՝ «Ջիպերի» և զրահատեխնիկայի ուղեկցությամբ։
Օդից շարասյունը պահպանում էին ԱՄՆ–ի և նրանց դաշնակիցների ինքանթիռները։ «Իսլամական պետության» զինյալները փորձել են խանգարել ռազմական բեռի և մարդասիրական օգնության փոխադրումը։ Ականատեսների վկայությամբ՝ նրանք հրետակոծել են Թուրքիայի հետ սահմանամերձ տեղանքը՝ քաղաքից հյուսիս, և մի քանի փորձ են ձեռնարկել՝ գրավելու թաղամասը, որտեղ գտնվում է մաքսատան շենքը։
Փեշմերգաների ռազմական մասնագետներն աջակցություն կցուցաբերեն քաղաքի քուրդ աշխարհազորայիններին Քոբանիի հետևակային պաշտպանությունն ամրապնդելու նպատակով, որը երեք կողմից պաշարված է զինյալներով։

Նախօրեին տարածաշրջանային ԶԼՄ–ն հաղորդել էր քրդական ուժերի կողմից համատեղ հրամանատարական կետի ստեղծման մասին ԻՊ զինյալների դեմ գործողություններ իրականացնելու նպատակով։

Տեղեկացնում է «ՏԱՍՍ»–ը։