Կիևը պայմանավորվել է Արժույթի միջազգային հիմնադրամի հետ ռուսական գազի համար վճարելու վերաբերյալ։ Այս մասին ասել է Ուկրաինայի Ազգային բանկի ղեկավար Վալերյա Գոնտարևան։
«Մեզ հաջողվել է պայմանավորվել ԱՄՀ–ի հետ, որ վճարումները, որոնք մենք պետք է կատարենք գազի համար, կարող ենք անել անմիջապես մեր արժութային պահուստներից. ԱՄՀ–ն մեզ դրանում կաջակցի, որովհետև չկա որևէ կասկած, որ մեր բոլոր վճարումները «Գազպրոմին», գազի գնման վերջին պայմանագրի համաձայն, մենք կիրականացնենք», – ասել է Գոնտարևան։

Տեղեկացնում է «ՌԻԱ Նովոստի»–ն։