Քրդական ինքնապաշտպանական ուժերը, իրաքյան քրդերի խմբավորումների աջակցությամբ, նախօրեին գրոհել են «Իսլամական պետության» ծայրահեղականների դիրքերը Քոբանի քաղաքից արևմուտք։
Համատեղ իրականացրած գործողության արդյունքում ազատագրվել են զինյալների կողմից գրավված շրջանները Քինյա–Քուրդայում։
Ինչպես նշել է «Ֆիրաթ» տեղեկատվական գործակալությունը, զինյալների ուղղությամբ«Գրադ» սարքավորումից և հրետանիից բաց թողած կրակը փոխել է ռազմական գործողությունների ընթացքը Թուրքիայի հետ սահմանակից քրդական շրջաններում։ Երեքշաբթի 15 զինված ծայրահեղական է ոչնչացվել, քրդերը 4 աշխարհազորային են կորցրել, երկու զոհ է գրանցվել Սիրիական ազատ բանակի շարքերում։

Կառավարական զորքերն էլ իրենց հերթին դուրս են մղել ԻՊ զինյալներին Էշ–Շաեր գազի հանքավայրից և պարտության մատնել նրանց Ումմ–էդ–Դաբաբիր բնակավայրում։

Տեղեկացնում է «ՏԱՍՍ»–ը։