«Իսլամական պետության» խմբավորման զինյալները հրետակոծել են Քոբանի քաղաքը, որը պաշտպանում են քուրդ աշխարհազորայինները, քիմիական ականներով։ Այս մասին լրագրողներին հայտնել է ՄԱԿ–ում Սիրիայի մշտական ներկայացուցիչ Բաշար Ջահաֆարին։ Նրա խոսքերով՝ դրա հետ կապված՝ նա խնդրել է ՄԱԿ–ին ուշադրություն դարձնել իսլամիստների կողմից թունավոր նյութերի կիրառման դեպքերին։
«Վերջին անգամ ԻՊ–ն քիմիական զենք է կիրառել Այն–էլ–Արաբ սիրիական քաղաքում...», – ասել է դիվանագետը։ Նա նշել է, որ արդեն նամակ է հղել Սիրիայի կառավարության անունից Անվտանգության խորհրդի հանձնաժողովին, որը զբաղվում է միջուկային, քիմիական և կենսաբանական զենքի չտարածման հարցերով։
Ջահաֆարին հիշեցրել է, որ երկրները, որոնք սիրիական կառավարությանը մեղադրում էին քիմիական զենք, ինչպես նաև քլոր կիրառելու մեջ, «քննության չեն արժանացրել» ահաբեկիչների կողմից արգելված զինամթերթի և նյութերի կիրառման մասին տեղեկատվությունը։ Նա դա անվանել է ԱԽ 2014թ. 1540–րդ բանաձևի խախտում տվյալ երկրների կողմից։

Տեղեկացնում է «ՏԱՍՍ»–ը։