Սիրիական զորքերը կիրակի զանգվածային գործողություն են սկսել «Ջեբհաթ ան–Նուսրա» զինյալների դեմ Դամասկոսից հարավ–արևմուտք։
Ստացվող տեղեկությունների համաձայն՝ մշտական բանակը, Ազգային պաշտպանության ուժերի հետ, մարտեր է մղում զինված ծայրահեղականների դեմ, որոնք բնակավայրեր են գրավել Ջեբել–էշ–Շեյխի լեռան ստորոտում. մարտերի ընթացքում 90 ահաբեկիչ է ոչնչացվել։
Բեյթ–Թիմա, Քդար–Խոր և Բեյթ Սաբեր բնակավայրերի շուրջ իրավիճակը սրվել է նախորդ հինգշաբի։ «Ալ–Վաթան» թերթի տվյալներով՝ «Ջեբհաթ ան–Նուսրա» և «Իսլամական ջոկատ» խմբավորումների հետ բախումներում 27 մարտիկ է զոհվել ԱՊՈՒ–ի ջոկատներից։
Ռազմական գործողությանը մասնակցում են ինքնաթիռներ և հրետանի։

Տեղեկացնում է «ՏԱՍՍ»–ը։