Այսօրվա ասուլիսին «Ընդդեմ իրավական կամայականության» հասարակական կազմակերպության գործադիր տնօրեն Լարիսա Ալավերդյանն անդրադառնալով արցախյան հակամարտությանը՝ ընդգծել է՝ Ադրբեջանի կողմից անգրագիտություն է արցախյան տարածքներն իրենցը համարելը։
ԵԿՄ անդամ Վարդան Դևրիկյանն էլ, որը նաև Արցախյան պատերազմի մասնակից է և ԳԱԱ Գրականության ինստիտուտի փոխտնօրեն, ասել է. «Ադրբեջանի այս քայլին նպաստեցին հուլիս-օգոստոսյան մեր փայլուն պատասխանները: Այսինքն, Ադրբեջանը ցամաքային պատերազմում տանուլ տալով՝ որոշեց այդ պատերազմը տեղափոխել օդ», – ապա հավելել է, որ երկրի զինվորական հրամանատարությունը պետք է պատասխան տա։