Բելգիայի իշխանությունները մեղադրում են «HSBC Private Bank»–ին («HSBC»–ի շվեյցարական մասնաճյուղին) հարկային մեքենայությունների մեջ։ Այս մասին հայտնում է «Soir»–ը՝ հղում անելով դատախազությանը։ Դատական քննիչ Միշել Քլեզը բանկին մեղադրանք է ներկայացրել հարկային մեքենայությունների, քրեական դավադրության, փողերի լվացման և անօրինական ֆինանսական միջնորդություն իրականացնելու համար։ Աղբյուրը նշում է, թե Բելգիայում «HSBC»–ն պոտենցիալ հաճախորդներին առաջարկել է իջեցնել հարկային բեռը։ «Soir»–ի տվյալներով՝ բանկի գործունեության հետևանքով պետությանը հարյուր միլիոնավոր եվրոների վնաս է հասցվել։

Տեղեկացնում է «ՌԻԱ Նովոստի»–ն։